Аще кто жаждет!

Дорогие друзья! Вот ещё один фрагмент (5) из акафиста Святому Духу, творения Феофа́на. На церковно-славянском, по уставу на каждом слове, с ударениями. Очень жизнеутверждающий: Услы́шав глас Твой: а́ще кто жа́ждет, да гряде́т ко Мне и да пие́т, мо́лим Тя, Сы́не Божий, утоли́ нашу духо́вную жа́жду, да́ждь нам во́ду живу́ю, изле́й нам от Ду́ха Свята́го Твоего́, да не возжа́ждем во ве́ки, со умиле́нием пою́ще: Аллилу́ия. Нетле́нный и несотворе́нный, ве́чный и ще́дрый Ду́ше, пра́ведных храни́телю и гре́шных очище́ние, свободи́ нас от вся́ких нечи́стых дел, да не пога́снет в нас сия́ние благода́тного света Твоего́, вопию́щих Ти: Прииди́, Всеблаги́й, и даждь нам умиле́ние и исто́чник слез; прииди́ и научи́ нас покланя́тися Тебе ду́хом и и́стиною. Прииди́, и́стино вечная, и уясни́ недоуме́ния ума нашего ску́днаго; прииди́, жизнь нестаре́емая, и отжени́ от нас прельще́ние кра́ткаго века сего́. Прииди́, све́те незаходи́мый, и разсе́й мрак страсте́й на́ших и уны́ния; прииди́, ве́чно ю́ная си́ло, освежи́ изнемога́ющих чад Твоих. Прииди́, безконе́чная ра́досте, и забу́дутся невзго́ды вре́менныя; прииди́, и изсо́хшую зе́млю душ наших плодоно́сну покажи́. Прииди́, Уте́шителю Ду́ше Святы́й, и всели́ся в ны.